Hitskin.com

السلام عليكم ورحمة الله وبركاته
احبتي بالله ..
.
حبيت أنقلكم القصيده التي كتبها لشاعر / منصور غازي العتيبي
يطلب فيها الزواج من رغد بنت صدام والتي وصلها لها عن طريق
معرفه له بشاعره عراقيه واوصلتها لها في مقر سكنها بالاردن

وأتركم مع القصيده

ألا وهني من ثبت على صدره رغـد صـدام
خذاهـا بالحـلال و سنـة التوحيـد وكتابـه

خذاها مبهم الغايـة خذاهـا مابـلاه اعـلام
خذاها منفردا بطيب اعروق الساس ونسابـه

خذاها بنت ذاك اللي رفع رأس العرب بوسام
خذاها مهرة تصهل وبنت حصان يغـزا بـه

خذاها ما ثنى رجله يسـوق الخطـوة القـدام
تقدم يوم قالت تم ايموت ايعيـش يحيـا بـه

وانا اللي مستعد اقدم لو ازعل معظم الحكـام
أسوق الها المهر لو رأس تون ابلير ترضابه

مبي غيره ولو قالو عليك امن البنات ازحـام
مبيهن لو بهن زين و بنات شيوخ مـن لابـه

ابي رغد هاذيك اللي اتشاهد لحظة الإعـدام
تبسم يوم أبوهـا يقـدم للمـوت مـا هابـه

تبادله العياد ابلحظه الموقـف يجيـه الهـام
تبادله الوداع أبصـوت تفخـر يـوم تبدابـه

اتقول افداك يا يابه يـا بـو عـدي يالمقـدام
عليك البيض ياالصامد بدون اقناع واعصابـه

عشت بين العرب حاكم متت يا والدي عـزام
عسى ها الكون لك فدوه جميع الناس واحزابه

قويه باس من باس تلازمـه الشمـوخ إلـزام
عليها من نعاطيسـه كـرات الـدم تسعابـه

أبيها وأفصح الغاية لابي سمعـه ولا هنـدام
ولا يلزم جمال ولا عليهـا اقصـور جذابـه

ابي منها ثلاثه بس وكل اغلام يفـوق اغـلام
ابي من جدهم حنكـه ومنـي هيبـة اعتابـه

ابي في حضنها يرقد حفيد المعجـزة وينـام
وابي عن جده اتسولف قبـل مينـام يسهابـه

ابيه ان نام يحلم به و تكثـر زخـة الاحـلام
وشوف الصبح في طبعه ردود افعال تشابـه

ابي يكبر على ذكره و يتبع سيرتـه بحكـام
ابي نفس الشجاع اللي سعيد الغـرب بغيابـه

ابيهم للعروبه في ردي الموقف سند وحـزام
ابيهم بفطمـون اللـي علينـا كشـر انيابـه

بوصيهـم ثلاثتهـم سياسـة جدهـم صـدام
ابحق الغراب لو مابه خيانه جـذت اطنابـه

ابا الاول يحوف الكم سلالة بـوش والاقـزام
يذكرهم حصاد ارواح اهل تكريـت واقرابـه

ابيه اليا انتخت بغداد انا خت الفارس الجـزام
يقول ايو الله اختي لعنبو من يرخص اترابـه

يهز ابسيفه الكرسي يتـل اموسقـه بحطـام
يقول انه خلف جدي وانا اللي منكـم اولابـه

تمركز واسمه الحاكم على الطاعه ولد خصام
يرد الدار عقب العار علم بغـداد عـلا بـه

يجدد بالوفا عهد علاقه بيـن شـرق و شـام
عضيد الجار له مقدار حريص الذيب لذيابـه

عزيز للعرب عزه حشيـم لا لفـوه احشـام
عقوبه للعميـل ايمـوت سـم الـداب دابـه

وبا الثاني فتى الاقص ى يعوض ماخذاه اعوام
تصيح اعلى المأذن بالله اكبـر لاتمثنـا بـه

يشب النار فوق النار و يدفن با لنحور اسهام
يحط الرعب بقلوب اليهـود ويقفـل ابوابـه

ابي صدر العرب يطوي مسافه عاشها منصام
ابيه ايفوز بالتحرير و نصر القدس يهنـا بـه

و با الثالث تحت يمنى مليكي خادم الاسـلام
عظيم الامه القايد ابـو متعـب فخرنـا بـه

هذاك اللي ليا حامت اخصومه دون دارة حام
كفخ صقر العروبه دون شعبه يفتـل اشنابـه

ليا بادر يعبر عن قراره فـي رؤوس اقـلام
يكفي هيبته جالس و كلـن يحسـب احسابـه

و انا في حب ابو عابد حرم اني اهيم هيـام
اقبل صورته و اطلق حفظـه اللـة لحبابـه

ابيه أيكون له خادم تحت امره رفيـع الهـام
ايقبل كفـه اليمنـى اوامـر سـم و مجابـه

ابي يحرص على شوفه يحط الزام عقب الزام
ابيه يصير لو ربع الزعيم اللـي يحفـوا بـه

و هاذي منتهى الغايه ولاكن قبل اقول اختـام
بدزه عاجل و سري عليه من اليميـن ارقـام

بيانه جمله تبغـا الستيمـه يمسـك اعصابـه
بجي يا عاهل الاردن تحرانـي خـلال ايـام

نسوق لك المواتر من جنوب الـدار خطابـه
.... ( !!!!!!....!!!!! ) ...
تحراني عسى ربي يجنبنـي حبـر و ابهـام
اما اني جيتكم طالب أوني ضعـت بطلابـه

وأليكم الرد القاااااااااسي من رغد على الشااااااااعر السعودي
وهناك معلومات بأنها قد تكون هي كاتبة القصيده أو قد تكون طلبت من شاعرها الخاص ( أحمد عزّام) وهو الشاعر الاردني الذي يعيش معها في عمّان عاصمة الأردن

رغد صدام تبعث لك , بلا زمطه بـلا أحـلام
شنو إنتا بتخطبنـي؟ ياحيـف النـاس كذابـه

ولك آآنا بِنِِِت صدام ,فخر هاي العرب مقـدام
أخو هدلا , سنام المجد حتى المـوت ماهابـه

وبعد هاي الفخر تبغى أصاهر كوبة الأقـزام؟!
يُبا لو تدفع الدنيا ، مصاهر هيك ما أرضابـه

يُبا احنا أول الأرقام , وإنتوا صفر دون أرقـام
حقيقه تزعلك أدري, وهاي الصدق يـا طابـه

ترى لا إنتا ولا أهلك يساووا بس نعل صـدام
غريبه كيف صار العز وإيّـا الـذل تتشابـه؟

يُبا مجدي أنا شامخ, مش أمجادك كذب وأوهام
وجاي الحين تخطبني؟! ولد مخبـول وزلابـه

أنا لو يوم أبتزوج مش أتـزوج بهيـك أزلام
إذا بختار راس العز , مـش أذيالـه وأذنابـه

ولك آآنا بنِت صدّام ؟ ولك تعرف شنو صدّأم ؟
يبا لاأنتـا ولا أهلـك يسـاووا حفنـة ترابـه

تحياتي لكم

تسلم يمينك اخوي طارق

القصيده حلوووه لكن الرد مرررره قااااااااسي..

تحيـــاتيـ لكـ...,,,

اي والله قاسي ما يستاهل مسكيييييييييييييييييييييييييييين

شكرا على مرورك

تسلم اخوي طارق على هالقصيدة الجميلة الصراحة قصيدة حلووة جدا بس الرد قاااااااااااااااسي جدااااا

وشكراااااااااااا

شكرا لك يا برق الجزيرة

فعلا الرد مره قاسي ايش رايك

Hitskin.com

قصيدة الشاعر منصور لخطبه رغد بنت صدام ورد رغد عليه ((منقول))