المشاكس
عدد الرسائل : 70 الجنس : تاريخ التسجيل : 10/06/2008
| موضوع: **********ياللي جرحني كلامك********** الأربعاء يوليو 16, 2008 4:32 pm | |
| ياللي جرحني كلامك خلي لي حالي = ماعندي اعصاب تتحمل دعاياتك نفخت ريشك وشالك بالسما العالي=شتان مابين حالاتي وحالاتك لاتخرق الارض لامريت تختالي= وانظر من اعلى ارتفاعك وين طيحاتك لايغرك الوقت لو رخص لك الغالي=يعوضك من ملذاته بما فاتك اذا نوى اللي كنوزه مالها اقفالي =لو تطلب الريح وانجوم السما جاتك والمال زايل وكل انسان زوالي=ان عشت في كوخ وان طالت بناياتك كانك غني حط لك مسكن ومنزالي =تزفك الحور بين اقصور جناتك عليك بين الحدايق في واظلالي=تنعم بما لانهايه من مسراتك منهل كرم بين ربعك صافي الجالي=يهناك مال رفع بالجود راياتك ولاتوريني اموالك بالاسجالي =ماهي بتغريني اموالك وخزناتك عندي غنا نفس يغنيني عن المالي=وعندنا ذات يتفوق على ذاتك ماعيب راعي المراجل جيبه الخالي= في عسره اليسر جالي هم ظيقاتك يعلي الجود هامه طيب الفالي= وبخلك يوطيك لو طالت عماراتك والمال يثري طموحاتك والامالي= ويدمرك يوم يستخدم لشهواتك والوقت لابد يقفي عقب الاقبالي = لملك اللي جعل في نفسك اياتك يبدل الله من حال الى حالي= ايامها والليالي زلتك جاتك سالت نفسي عن خصومي وعذالي =وعن طعونك على كبدي وكياتك اذا صفا لي زماني عقب الاهوالي = وحدتني اجروحي اتصفح ملفاتك فهل يكون الجزاء من جنس الاعمالي=على التبجح بغدرك لي وحيلاتك فخالفت نفسي اللي دار في بالي= وعاتبتني وقالت ليس عاداتك؟ مثل الجبل يارفيع الجد والخالي=عواصف الريح تتكسر بطلعاتك تسمو بك افعال عن واطيين الافعالي= اسدل على اعيوبهم عفه مرؤاتك العفو شيمه لشيالين الاثقالي = اعفو عفا الله عن ذنبك وسياتك تكسب رضا الله ونظره عز واجلالي= اخلص لمن يرتجي عفوك بنياتك ان كان حر فعفوك عنه قتالي = وان كان لاش تسامت بك مقاماتك نهضت نهضه عزيزالنفس رجالي= وقلت مسموح عن ساير خطياتك وماقصرت من سوالفنا وما طالي = واللي تبي من مطاليب الزمن جاتك من قلب ماكن لك بالغيض مثقالي = لولا الصفا مايجدد به علاقاتك عقب الصفا جا يسلم واعتذر وتالي= فقلت مرحب عدد سيرك وخطواتك سلم وعينه تهل الدمع همالي = فقلت ياعيون هلي فوق وجناتك صاع بصاع ومكيال بمكيالي= لين اجتمع سيل عبراتي وعبراتك يا عل عيني تجاري عين تحيا لي= ياروعه ادموعك الخجلا وروعاتك عدنا الصداقه ومدينا لها احبالي = يامرحبا عد روحاتك وجياتك قال انت زايد بجودك عشرة امثالي= زايد بطيبك وباخلاقك ووقفاتك والود عقب الخصام احلى من الحالي= واول زياره لبيتي مد خطواتك بشوفتك يستريح الفكر والبالي = تشرق على بيت يسال وين غيباتك فقلت منزلك للضيفان مدهالي= بكره ضيوفك تشرفنا بدعواتك | |
|