من طرف المشاكس الأربعاء يوليو 16, 2008 4:21 pmقصيدتي زاد بعيوني جمالها وأخذت أنقي بالمعاني جزالها..
شوق وغلا لأمي وأنا أصغر شاعر بعيالها..
أكتب معانيها من الشوق والغلالأمي وأنا أصغر شاعر من عيالها..
كتبتها في غربتي يوم رحلتي
لما طرالي بالسفر ماطرالها..
أمي وأنا بوصفلها زود حبها وأن ماحكيت لها قصيدي حكالها..
أمي لها بالجوف والقلب منزلة
مكانة(ن) ماكل محبوب نالها..
أقرب من ظلالي في وسط غربتي وأناتراي أقرب لها من ظلالها..
ماشافت عيوني من الناس غيرها ولاخلق رب الخلايق مثالها..
أغلى بشر في جملة الناس كلهم
وأكرم من يدين المزون وهمالها..
أتبع رضاها وأرتجي زود قربهاواللي طلبته من حياتي وصالها..
الصدق مرساها والأشواق بحرها والعطف وإحساس الغلا راس مالها..
أهيم فيها وأبتسم يوم قلبهايسأل وأنا قلبي يجاوب سؤالها..
وأن طلبتني شي فزيت مندفع
أموت أنا وأحمل تعبها بدالها..
أصبر على الدنيا والأحزان والتعب وأحمل على متني فطاحل جبالها..
وأسهر وأعذب راحة القلب بالشقى وأعيش أعاني بس يرتاح بالها..
تربية أبوي اللي على الطيب أذكره اللي وهبني للحياة ومجالها..
نور لي دروبي وأنا توني مبتدي
حتى تركني واحد(ن)من رجالها..
الوالدين أولى بالإحسان لأجلهم
وأولى بتكريم النفوس وعدالها..
أقولها وأنا على الله متكل
والله عليم بقدرتي وإحتمالها
ياكلمة(ن)أغلى من الناس كلهم
ياشمس(ن)بقلبي بعيد(ن)زوالها..
يافرحة(ن)تملي لي الكون بأكمله ياشجرة(ن)تكبر ويكبر ظلالها..
تضحك لي الدنيا لياشفت زولها
مثل السما تزهى بطلة هلالها..
البعد عنها يا هل العرف ماأقدره
لاشك ناري زايده بإشتعالها..
ماأعيش ببلاد ماهي بأرضها
ولا أبي عيوني كان ماهي قبالها..
أرض(ن)تدوس أمي بالأقدام رملها أموت فيها وأندفن في رمالها..